正當旅遊協會落力推廣香港服務態度之際，連獲三年好感動冠軍的，台灣排隊名店「肉多多火鍋」落腳銅鑼灣糖街，也許能幫我們一把！
來自台灣最歡樂嘅火鍋品牌，「肉多多火鍋」的宗旨是帶給客人愉快的用餐體驗，係一間賣服務同歡樂嘅餐廳！事事細心行多一步，正是香港飲食業需學習的態度。
咁究竟「肉多多火鍋」有咩與別不同，先講呢個生日蛋糕：
生日肉蛋糕
生日蛋糕五花八門非新鮮事，但依然覺得呢個生日肉蛋糕很震撼，一眼望落去真係好多肉！與「肉多多」之店名非常合拍。
凡當月壽星會員皆會免費獲贈生日肉蛋糕，嘩啦啦，絕對是在火鍋店內最實用又最令人開心嘅禮物！
沾醬攻略
我平日唔太識調醬，睇到牆上呢個攻略，非常受落，甚感細心！
漬物小吃
在醬油附近三款漬物小吃，最特別是熱情果，鹹甜交替。
甜湯
亦有兩款甜湯，分別是檸檬白肉及燒仙草，個人認為檸檬白肉非常好飲，清甜可口，餐餐後都適合。
重點當然在食物：
鴛鴦鍋－招牌爆炒海味石頭湯配聰明沙茶魚頭湯
講明夠細心，當然有鴛鴦鍋。正好遇上我們兩個有不同口味。老公鍾意香口，我鍾意食魚。
聰明沙茶魚頭湯
大大個魚頭，皮厚肉多。
招牌爆炒海味石頭湯
打響名堂的招牌爆炒系列，以數種海鮮及蔬菜調製的秘製石頭醬，佐以獨門爆炒油爆炒後，搭配柴魚高湯多層次的鮮美口感，
面前即炒即吃，爆炒超級香，裏面嘅豬肉片，很爽口！
大滿足痛風號*1
超喜歡食海鮮，海蝦有3款，魚又有3款，2只帶子、10粒蜆、魷魚2條、若干蠔及手打蝦膠一份。
值得一提，竟然有剝蝦服務，真心被感動，據說涮肉服務都有，不過唔好麻煩人，自己涮仲開心。
松阪豬
魚皮餃+薯粉
餃皮零舍煙靭，意外驚喜。
蔬菜寶盒
叫佢寶盒冇錯，真係好多款式。
單點滷肉飯
老公無肉不歡，估唔到好好食。
貪心多嚐兩款夜市美食，鹽酥雞及白糖粿。
最後，仲有雀巢雪糕食，不知幾多年冇食過牛奶公司嘅雪糕。
突然間啲人咁開心嘅，原來每晚皆有突發活動，經理會走出來出個題，之後客人鬥快致電指定電話，中獎的客人即送一份食品。
「玉多多」尚有貼心小物，如果有需要可以用，洗手間內有漱口水、芬芳劑、長髮有髮圈，孕婦可借抱枕，手機冇電借充電寶等。
最後唔好忘記去玩夾公仔，消費$100兌換一枚代幣，夾中有零食！有得玩必開心，個個帶着歡迎聲音離開，真好橋，唔怪得獲獎！
環境方面，光猛舒適，服務到位，點可能有投訴！
嚐味日期: 20240726
評分：
味道：4.3/5
環境：4.0/5
服務：4.3/5
衛生：4.0/5
抵食：4.0/5
餐廳資料：
別忘 like 我的 page, 感謝支持！
Facebook: IE食神俠侶
https://www.facebook.com/gourmetivy/
Openrice: IE食神俠侶
https://www.openrice.com/zh/gourmet/userdetail.htm?userid=113704
YouTube: IE食神俠侶
https://www.youtube.com/channel/UCo846pOirUtkafQTBDG9smQ
Instagram: gourmet_ivy
https://www.instagram.com/gourmet_ivy/
TripAdvisor: gourmet_ivy
https://en.tripadvisor.com.hk/members/gourmet_ivy
大众点評: IE_食神俠侶
http://www.dianping.com/member/1304088087
小紅書: IE食神俠侶
