「黃金歲月」尋味之旅 @ 柏景餐廳 Café on the PARK

今時今日，自助餐必須有主題方能吸引客人，朋友知道皇家太平洋酒店9月份起推出新主題「黃金歲月」尋味之旅，即係懷舊香港主題，聽講有好多經典美味，於是誠邀我相陪，說來真不好意思，九月我非常忙，直至10月初的今晚方能赴約。 

原來酒店藉著30周年紀念，想出了這主題，並推出好多優惠，10年人事幾番新，何況30年，想不到在現址可以立足如此久，自助晚餐成人每位$618，當然有各方面的折扣。

 

80年代的歲月，昔日的風情，餐廳悉心佈置。

自助餐區取名街道，東瀛路、素食街、麵食里等等。

少見的糖蔥餅、龍鬚糖、肚臍餅、幾乎失傳的是甜品小吃應有盡有。

值得先題，這裏的自助餐少有的包括新鮮果汁，橙汁、蘋果汁、菠蘿汁見怪不怪，我就最有興趣這款養生紅菜頭加梨汁，味道真係唔錯！

順序來吃還是少不了沙律及冷海鮮，今日的小龍蝦很靚，然後大蝦、青口、蟹腳、螺等每樣一件。

煙燻魚類有兩款，鹹香軟滑。

然後主攻主題，所謂懷舊黃金小吃，就是蛋黃製海鮮，看這些黃金焗蟹蓋、黃金魚餅、黃金墨丸多吸引，魔鬼的化身，香惹無比。

名為禾稈冚珍珠的龍蝦鮑魚大包，絕對是必吃之選，包身非常香軟，餡料又豐富，龍蝦鮑魚味道相當好，今次懷舊大包可以回到本，多吃一個亦無妨。

啫啫龍躉煲、鼓椒炒青口、龍蝦炒腸粉都是我最喜愛的惹味懷舊海鮮菜式。

燒牛肉、香煎油封鴨髀、燒羊架等。

為慶祝30周年，每位客人奉送特色燉湯，名為三十功名，30種材料熬製而成，包括滋補的桃膠、花膠、菇菌等，怪不得味道醇厚。

哈哈！最後仲有飛機㰖派送，如果可以拋到客人手上就更好玩。

自助餐總給予人一種非常滿足的感覺，這晚我們亦不例外！環境寬敞舒適，食物新鮮清潔，服務到位，性價比合理。

嚐味日期: 20181003

評分：

味道：3.5/5

環境：4.0/5

服務：4.0/5

衛生：4.0/5

抵食：3.5/5

餐廳資料：

柏景餐廳 Café on the PARK

尖沙咀廣東道33號中港城皇家太平洋酒店園景翼2樓

2/F, Hotel Wing, The Royal Pacific Hotel & Towers, China Hong Kong City, 33 Canton Road, Tsim Sha Tsui

27382322

別忘 like 我的 page, 感謝支持！

Facebook: IE食神俠侶

https://www.facebook.com/gourmetivy/

Openrice: IE食神俠侶

https://www.openrice.com/zh/gourmet/userdetail.htm?userid=113704

Instagram: gourmet_ivy