花枝招展素菜宴 @ 天然齋

食素可以唔樸素，吃齋可以唔齋心，估唔到今晚的素食宴會，菜式可以如此花枝招展！

果然順景、心花怒放、霸王西施等菜名有趣；古法素羊腩煲、生炒素臘味糯米飯、栗子雞煲等，原來素食都有煲仔菜；唔好以為只得個名，賣相都好得，味道方面仿真度也極高，今晚開心初體驗，平靚正兼且地點方便的“天然齋”，真心推薦！

我並非與佛有緣的人，但主理齋菜或開素食店的老闆多數信佛，所以電梯大門一開，隨即見佛堂氣氛，彿花、葫蘆、聖人肖像等。

轉右便是用餐大廳，簡約雅緻，如一般粵菜飯店。

坐下來發現有戶外座位，但是現時氣溫只得10度，相信沒有客人想吹寒風，玻璃門緊緊關閉了。

送上茶來，香味與別不同，原來是玄米茶，品茶亦要健康，果然是天然齋。

清心寡欲，文藝質素隨之提升，餐牌上的對聯有些深奧，但能夠理解是高朋滿座的意思。

“素者，兼天地之靈氣，蒙日月之精華。。。”真厲害！看來我們這些“煩＂人真的要少肉多菜了！

圖片精美的餐牌

有冬季精選套餐，二、四、六、八人都有，平均每位百零元，非常親民。

店子晚上有供應有私房菜，八道菜式，每位$238，合乎大部份人的預算，真令我們患上抉擇困難症！

突然發現素食都有煲仔菜，好少見！冬季特別推介裏面的八道菜式吸引了我，因此我決定散點試其中三款。

一行六人，我們自選八款小菜及一甜點，吃素菜亦令我們吃得津津有味，今晚真係得！

果然順景 $64x2

做人好簡單，事事順心順景便開心，於是好事成雙，我們點了兩份“果然順景”分甘同味。

本來只是簡單的新鮮牛油果半個，以刀畫直紋，添幾粒崧子，加些羅馬生菜及醋汁伴碟，便變身成為一道名字特別的前菜，有創意！

新鮮牛油果郁香甜美，除非你不喜歡它濃密的口感，否則是零失敗，開胃前菜，吃的是設計者的心思。

再想想，覺得真是一個好主意，下次在家煮飯仔的時候我會抄考，哈哈！

鬆化芋頭魚 $68

好有心機做到成條魚咁樣，睇真些，是有魚鱗紋理的呀！

切開之後就似炸豬扒，入口皮脆肉糯，冇寫錯字，係"糯"唔係"嫩"，因為其實係芋頭，所以口感係棉棉糯糯咁，炸得夠酥脆，完全不油膩，一滴油光都沒有，配埋酸甜汁，都算幾好食。

但對於我們這些凡人來說，與真正炸豬扒的味道相差遠矣！

黃金蘆筍炒素翅 $118

賣相非常漂亮，新派素菜都玩金箔，襯托在蛋白上，又真有睇頭！

蛋白雪白，炒得滑溜，素翅絲份量不多不少，唔會太難可以尋覓得到，混合素蟹肉、崧子及蘆筍粒，再加點醋吃，口感似賽螃蟹，不過不失。

荷香金針雲耳蒸猴頭菇 $78

素菜大雜會，金針雲耳猴頭菇，勝在調味濃郁幾出色，尤其猴頭菇煮得好好味，遠勝平日煲湯的貨式；碟底有兩片荷葉，但荷葉香味不突出。

生炒素臘腸糯米飯 $88

非常好奇想知道素臘腸如何，但第一眼見到有些失望，看來只似一般素肉，入口方知奧妙。

口感竟然有肥有瘦，有臘腸的鹹香，拿一片仔細近看，果然是臘腸的肥瘦肉組合，可能被淺色的顏色騙過了未能察覺，不知道肥肉的口感是用什麼材料做，與素肉對比起來，明顯較滑，細細粒其實有點韌，似足臘化了的肥豬肉，這樣仔細真令我感動！

糯米飯的顏色及香惹度都有7分相似，粒粒分明，水準不俗。

栗子雞煲 $98

好奇又想知道素雞會是怎樣，早估計到不可能造到有骨有皮那麼出神入化，看來效果極其量說仿似雞胸肉。

成功在有大量栗子、特別甜蜜的紅棗、青紅黃椒及冬菇等大量配菜，調以濃郁帶酸的醬汁，鹹甜味道皆豐富。

招牌叉燒包 $78

果然是招牌，喜出望外，叉燒仿真度高，吃起來濃郁甜美，配合軟熟溫暖雪白的色包，滋味不失於的叉燒，叉燒醬汁出色。

黑松露多士拼咖喱南瓜盅 $108

菜單以外，我訂位是特別預訂的菜色，需要預先準備。

外型吸引，黑松露多士香脆味香，南瓜做的南瓜盅，完全真材實料，咖喱口感順滑濃郁，南瓜肉、青紅椒及瓜菜等材料飽吸咖喱汁之香辛，非常入味。

咖喱及黑松露皆有霸氣，二合為一，有些互相搶鏡，喜歡層次複雜的話，當然可以多士蘸咖哩吃，口感大滿足；若然不喜歡二合一洗頭水的人，分開吃，可以更加細意品嚐兩者獨特的味道，享受時間亦更長，所以我們多點一碗白飯，絕不浪費一滴咖喱。

即磨腰果露一窩 $68

腰果露每碗＄22，一窩才$68，可以分到8小碗，真抵食，可惜不夠濃郁，未能完美。

開開心心素菜夜，胃納滿足，環境舒適不嘈吵，沒有時間限制，大家傾談無壓力，不知不覺已經10點多，明日要上班，大家回家去，有緣相遇，後會有期！

人均消費: $160

嚐味日期: 20180109

評分：

味道：3.5/5

環境：3.3/5

服務：3.3/5

衛生：3.3/5

抵食：4.0/5

餐廳資料：

天然齋  Green Veggi

上環德輔道中238號恆和中心3樓

3/F, Continental Place, 238 Des Voeux Road Central, Sheung Wan

27713260

別忘 like 我的 page, 感謝支持！

Facebook: IE食神俠侶

https://www.facebook.com/gourmetivy/

Openrice: IE食神俠侶

https://www.openrice.com/zh/gourmet/userdetail.htm?userid=113704

Instagram: gourmet_ivy