現代人講求生活，素食既可美顏兼健康，就是未能長期茹素者，不少人都會偶爾奉行幾天，既然市場有需要，自然會有店舖，今日走過上環地鐵站附近一條橫街，發現一間新開的外賣西式素食店，招牌黑炭漢堡包非常吸睛，不得不買一個品嚐。
店名及標誌都幾有趣，叫做 Vegi Monster，旁邊圖案仲有隻疑似尼斯湖水怪的動物，宗旨是 green、fresh、vegan。
大型易拉架就是招牌，素卷及漢堡包的圖片最吸引，因為趕時間，無吓研究，隨即點選了這兩樣。
漢堡包即點即做，店員話需時大概5分鐘，見已有幾位外籍人士在等。
閒來四處望，玻璃櫥窗內有即買即可取的沙律、素卷、甜品及飲品。
慢慢再研究餐牌，其實有四款漢堡包，第一款 "綠色力量"，主要成份有鷹嘴豆、蕎麥、杏仁片及用黑椒醬；"大和風味"，有名你叫，饀料用日本珍珠米、千島汁、紫菜、羽衣甘藍及野生牛肝菌；"豆腐狂熱"，當然有豆腐，配小米、紅菜頭、紅生菜及經典蕃茄芥末醬，相信樣子一定紅紅顏色的；我選的 "紳士"，如穿了黑色的紳士套裝 tuxedo , 特別醒神，材料有竹炭麵包、素芝士、有機黑豆、雨衣甘藍、藜麥、大啡菇及黑松露醬。
再睇清楚，原來有 Combo 組合，加沙律及甜品有優惠，可惜我已經點菜，否則一個漢堡加沙律及甜品，組合更全面。
外賣包裝環保，全部紙袋紙盒，整齊企理。
我幾欣賞紙盒外的扣位，成功地令紙盒緊蓋著。
Burger
in Black 紳士 $78
包身脹起餡料足，頂端被灑上大量黑芝麻，這個漢堡看來有四吋高，半溶芝士，厚身漢堡素肉，旁邊似西蘭花的就是羽衣甘藍。
揭開看，找到菇片，看清楚，調味用含黑松露的白色醬汁。
大啖吃之，黑炭包鬆軟得來有些鬆化，估計是焗烤過的效果，黏滿黑芝麻增脆脆口感，非常好；
漢堡素肉，成分主要是黑豆及藜麥，調味不錯，第一口相當美味，再吃有食豆蓉或薯蓉之糯糯口感，這方面我並不特別喜歡，幸好夾了些柔爽的菇，豐腴的芝士及滋味的自家製松露醬汁，倍增層次口感，自家製松露汁值得一提，味道豐富，好好味。
Lion
& Quinoa 素卷 $55
做法如墨西哥卷，只是餡料不同，遠遠見橙色及綠色饀料，還以為把生果沙律作饀，起初真有些擔心不好吃，認為自己買錯了，心想應該買沙律才對，但估唔到有意外驚喜，
橙色粒粒是調了味的藜麥，裏面疑似雞肉的東西其實是猴頭菇做，猴頭菇向來扮肉能力高，素卷卷皮軟熟，放了一晚依然沒有變硬。
這個素卷，食落味道豐富，生菜嘅爽脆、猴頭菇的柔韌、再加上藜麥的少少脆，令口感完全不孤單，雖然清，並不寡，沒有期望之下反而非常滿意。
兩款素食，藜麥墨西哥卷相比紳士漢堡更令我滿意，期望及事實，多數都會有分別。
環境清潔整齊，員工有禮貌，只是似乎有點未熟習，仍是 soft open，怪不得！
消費: $133
嚐味日期: 20171010
評分：
味道：3.5/5
環境：3.0/5
服務：3.0/5
衛生：3.5/5
抵食：3.5/5
餐廳資料：
Veggi Monster
上永樂街1號美瑛大廈地下1號B舖
28860325
別忘 like 我的 page, 感謝支持！
Facebook: IE食神俠侶
Openrice: IE食神俠侶
Instagram: gourmet_ivy
沒有留言:
張貼留言