2026年8月30日 星期日

炭兎 SUMITO｜香港少見日本爐端燒體驗




灣仔駱克道 QRE Plaza 的炭兎SUMITO，是香港較為少見主打圍爐燒、爐端燒嘅日式燒烤店。由一位曾任田舍家的日藉師傅主理，店內最搶眼就係店中央嘅圍爐炭爐，紅熾木炭火光躍動，師傅就於爐邊即場炭烤各款食材，睇住食材受炭火炙烤，煙香瀰漫，充滿日本居酒屋嘅熱鬧氛圍。


另一燿眼之處在這新鮮食材的展示，店舖面積不算很大，反而滿滿親民炭火氣息，好適合三五知己相聚小酌，感受地道爐端燒嘅飲食樂趣。



🥢燒香魚｜$108


魚身燒得外皮微焦，鎖緊魚肉本身鮮甜，炭香滲入肉質，肉質細嫩，簡單調味就足夠好食。




🦪燒原隻北寄貝｜$198


原隻北寄貝上爐炭烤，高溫逼出貝類本身嘅海水鮮味，貝肉彈牙飽滿，炭香提升鮮甜，食得到食材原汁原味。




🥟薑葱醋鯖魚卷｜$98


鯖魚捲入配料，配上薑葱醋汁，魚肉油脂豐潤，醋汁清爽解膩，開胃又唔會感覺油膩。




🍗炭燒「名古屋地雞」｜$178


整道亮點之作！名古屋地雞經圍爐炭火燒製，雞皮燒至焦香脆口，雞肉 juicy 多汁，炭香濃郁，肉質紮實有咬感，風味十足。




🥓香印提子豬五花卷｜$42


豬五花油脂香氣十足，包裹香印提子，鹹香肉味混和水果嘅清甜，甜鹹交錯，口感好有驚喜。



🦐蒜香雞挫天婦羅｜$58


雞粒炸得酥脆，厚實彈牙，蒜粒香氣突出，不會過分油膩。




🐟海峽三文魚配金菇錫紙包燒｜$118



錫紙包裹炭火慢燒，三文魚油脂完全釋放，同金菇嘅鮮香互相融合，肉質軟潤，湯汁全部鎖在錫紙內，鮮味十足。




🥚明太子芝士蛋卷｜$108


蛋卷鬆軟嫩滑，明太子鹹鮮，加上芝士香氣，鹹香綿密，作為下酒小食非常合適。



🍡免治雞肉棒(附日本生雞蛋醬)｜$38


雞肉棒燒得外香內嫩，蘸上生雞蛋醬，質感滑潤，柔和咁中和燒烤嘅重口味。




🍗雞翼蔥(鹽)｜$42



鹽燒簡單直接，雞翼外皮燒得香脆，肉汁保留，蔥香點綴，簡單卻十分惹味。




🍗雞尾肉(鹽)｜$42


雞尾肉油脂豐富，炭火燒走多餘油分，鹽調味突顯油脂香，油香甘香，愛肥膩口感嘅一定鍾意。



🍗九州醬油・生七味雞頸肉｜$38
雞頸肉口感爽脆彈牙，九州醬油鹹甜，加上生七味嘅辛香，越食越上癮，極佳佐酒小食。



🌶青椒仔｜$28
日式小青椒炭燒，外皮微微起皺，帶淡淡椒香，微微辛香，用來平衡整餐燒烤嘅油膩感。



整頓飯由頭到尾都充斥住炭火獨有嘅煙燻香，好多食材都係圍爐即燒，體驗感很特別。




人均消費: $603
嚐味日期: 20260826




評分：
味道：4.0/5
環境：3.5/5
服務：3.5/5
衛生：3.5/5
抵食：4.0/5

餐廳資料：

#香港美食 #灣仔美食 #炭兎SUMITO #圍爐燒 #爐端燒 #香港居酒屋 #日式燒烤



張貼者： 於

沒有留言:

張貼留言

訂閱： 張貼留言 (Atom)