美食小聚 @ 唐宮小聚

唐宮小聚，有好一段時間未有約朋友到這裡相聚，記得當年剛開張，以巨型乒乓波枱及維肖維妙的松露冬菇包作賣點，而又把京滬菜式點心化，正好捉到年青客人的心意，一時無兩，我亦早已到過潮聖，近日想起來，於是發局，一伙人浩浩蕩蕩去看看，今次刻意到未去過的尖沙咀店。

位於人氣旺盛的商場三樓，未到已經感到熱鬧氣氛，建議必須訂位，以免有排等。

面積比想像中大，風格有些文青感，以櫃架分隔區域，架上放置懷舊精品及有趣物件，包括飲品及碗碟，擺設整齊得來隨意。

開放廚房的一角，展示了許多不同動物造型的包包，頗有趣。

既然是美食之聚，大家開懷地吃，每人選三至四款，總數變成近廿款，懷舊嘗新，說不上有驚喜，但亦不乏新意，水準不錯。

這晚最抵食的是白玉乳鴿，特選吸客優惠，每只才$25，雖說妙齡，實際上不太細小。

取名白玉，我估是表明以正宗潮州白滷水汁醃味的原因，顏色對辦，辛香芬芳，醃至非常入味，小骨能吮出肉汁來，這就正是乳鴿滋味之原因。

最多朋友欣賞的是陳釀醉蟹 $69，酒香醋量恰到好處，蟹膏豐腴，味甘香，稍嫌蟹仔太細，每一口皆咬到殻，口感略為失分。

辣口水雞 (例) $69 極有四川風味，香辣中透出點點麻，夠刺激，雞件細細肉幼滑。

我最欣賞富創意的腐乳蟶子包$99，這個配搭出奇的好，腐乳份量不多，沒有蓋過蟶子之鮮，反而適量鹹香有助提味。

此外是曆久不衰的招牌松露香菇   $39，造型十足一棵冬菇，巧用朱古力粉作外表，增添美味。

包身鬆軟，餡料內有真正冬菇粒，味道香郁，好吃指數八十分。

同甘共苦 $79 是天使與魔鬼的配合，苦瓜是健康涼菜，卻配上鹹蛋黃醬，令味道提昇，同時邪惡感亦大增，奈何愈吃愈滋味！

南瓜菜苗 $79 正好相反，完全健康化身，少許甜的南瓜蓉為菜遠提味，仲有幾粒杞子，調味料可省，成功少鹽少糖烹調。

鮑魚鳳爪 $99 不可能不滋味，炆得腍軟入味，上湯鮑汁之功勞。

素菜煎餃 (3件) $39 外型唔悶，插上脆片別出心裁亦增口感，饀料雖然以素菜為主，但汁豐味道好。

脆蝦雲吞 (3件) $39 造型似個小袋子，炸得相當酥脆，饀料內有芝士，變得更加軟棉，外脆內軟層次更分明。

白玉脆卷 $39 看來以為是普通的春卷，原來又在饀料內玩創意，估計是芝士忌廉汁之類，與脆蝦雲吞一樣，外脆內軟對比明顯。

有朋友非常欣賞松露飽飯 $109，因爲她特別喜歡松露香，有鮑汁的味有松露香，再加上三文魚子在頂的心思造型，的確色、香、味俱全，但我覺得飯太硬及唔多吸汁。

反而鐘意平常的擔擔拉麵 $49，麵質柔軟有力，醬汁鮮紅但其實唔算很辣，算是香。

我們亦點了鮮泥蜢粥 $39，極濃的陳皮香，可惜處理得未夠好，帶少許苦，整體個粥唔錯，粥底棉滑泥蜢鮮甜。

黑金流沙 (3件) $49，金銀相間，不算漂亮但搶鏡，最重要是美味。

我至愛的流心蛋黃，包身鬆軟香棉，唐宮小聚的蒸包有實力。

黃金湯圓 (2件) $36，吃出懷舊之味，其實我不懂，是朋友說的，黃金饀料混合了芝麻、花生、糖冬瓜及肥豬肉，做法古方，非常正宗，甜蜜帶沙沙地的口感，有人欣賞有人不習慣，我覺得倒不錯，對我來說富新鮮感。

另一有趣之處是湯丸體積比一般巨，又圓又大似個乒乓球！

中秋未至月餅先行，我留意到宣傳單張，唐宮再玩乒乓球概念，創意以乒乓球袋作迷你月餅禮盒。

幻想那一刻，人家以為你奇奇怪怪中秋送乒乓球拍，原來內有乾坤，打開內藏迷你蛋黃月餅，應該有趣好玩！

詢問之下，經理隨即熱誠介紹，拿出乒乓球袋來推廣，我們難以抗拒之下，買了兩盒，即時拆開拍照分吃。

一盒四粒有兩款，原味奶黃月餅及芝士奶皇月餅，皆售  $158/盒或$39/個。

我較喜歡原味奶黃，酥皮香脆蛋黃郁香，口感都好；芝士太玩嘢，個人覺得有些不夾，芝士香味未夠特出。

我們點選款式雖多，但大家再分吃其實不過份，價錢相當亦合理，一致滿意滿足！

嚐味日期: 20170814

評分：

味道：3.3/5

環境：3.5/5

服務：3.3/5

衛生：3.3/5

抵食：3.5/5

餐廳資料：

唐宮小聚

尖沙咀廣東道30號新港中心3樓303號舖

31681362/31681363

Facebook: IE食神俠侶

Openrice: IE食神俠侶

Instagram: gourmet_ivy