2026年11月15日 星期日

表兄弟姊妹中山兩日遊 20261109-10

中山2天遊攻略:(出發前準備的)

9/11 周一
集合:早上8:45南昌站、9:40元郎站近G2出口或10:30深圳前海灣地鐵站內近B1出口
(當天:8:30已到南昌站, 8:45離開,9:30到元朗站,但10:50才到前海)
🥧12:30 飲茶 - 伯乐居茶艺馆(石岐大信店)
老茶樓氛圍,古式古香,點心款式多,馳名叉燒包、水牛奶菠蘿包、艾汁奶韃等
🎁3:00 餐後自由活動,可逛大信新都汇、孙文西路步行街及香山古城、按摩或返酒店休息
🥘6:30 韵溪公馆·中山粤菜融合
推薦菜式:高壓鍋木薑子乳鴿、藤椒熟腌花甲、沙溪肥牛等
10/11 周二
🥠11:00 春华园飲茶
🏖13:00 飯店就在華僑公園內,餐後閒遊及打卡公園、書店及咖啡店
🍚17:00 晚飯 - 粤禧顺·广东顺德菜(石岐店)
招聘順德八彩撈雞、古法老薑生焗鱸魚、老火土雞湯浸海帶苗 或返回深圳才吃晚飯
按摩店:
🐾 陕西专业修脚(天明花园店)
足療60分鐘¥68.8起 或 80分鐘¥118
🙌頤和康乃馨足浴按摩中心
按摩加足浴組合 約¥200 90分鐘
______


🥟伯乐居茶艺馆 ¥456/7人
最有特色是這隻五指毛桃蒸雞 ¥138

用個淘寶都買到的蒸籠生蒸至熟,肉質嫩滑,有五指毛桃香,抵食!


訂了房,最低消費¥200 無難度。




📍孙文西路步行街及香山古城 留影





🍽️韵溪·新派中山粵菜(新濠路1號)¥987.6/7人


中山石岐有驚喜嘅新派粵菜,中山地道特色菜上添新意,烹調恰到好處,家常味道,水準平均。必試木薑子乳鴿、薑花浸肥牛及乾煎香山禾蟲糕,陳年咸檸檬沙溪牛肉炒飯令人見識台山米,長身的,效果似糯米飯。


裝修雅致高級,有山水壁畫,園景造景,適合請客或朋友聚餐,部分菜式會桌邊現煮,儀式感十足。



藤椒熟腌花甲 ¥48
開胃前菜,花甲鮮甜無沙,醬汁最特別,藤椒香麻入味,清爽開胃。




繡球拌牛肝菌 ¥62


兩款菇菌都很特別,菌香濃郁,口感爽脆,調味輕盈,唔會搶走食材本身風味。




咸牛乳海膽黑白豆腐 ¥52


黑白豆腐唔算明顯,要在煲內找尋;豆腐軟滑,海膽鮮香的牛乳香醇厚需細意品嚐,整體味道唔錯,值得重溫試真的。




骨湯薑花浸沙溪肥牛 ¥108




桌邊現浸!骨湯鮮甜,薑花清香解膩,肥牛嫩滑,視覺同味覺雙重享受,未吃過的煮法,對我們來說很有新意。





高壓木薑子乳鴿(2份)¥116


別於一般紅燒或滷水做法,木薑子獨特辛香滲入乳鴿肉裡,肉質嫩而多汁,香氣好特別。



沙溪招牌無骨鯽魚肉羹 ¥88
完全無骨,羹質滑溜,魚鮮突出,長輩食得好安心。

隆都雞絲蜆肉羹 ¥68
濃郁鮮甜,雞絲同蜆肉搭配,滿滿中山地道風味。



蔥香金沙咸蛋黃羅氏蝦(7隻)¥131.6


咸蛋黃香濃厚,蝦肉彈牙,每隻都裹滿金沙,香到停唔到口。



乾煎香山禾蟲糕(4件)¥128


外脆內軟,滿滿鮮香,本地特色菜,敢試一定要點。




豆豉鯪魚炒山蘇葉 ¥78


鑊氣十足,豆豉鹹香襯住山蘇獨特脆嫩,好有特色。




陳年咸檸檬沙溪牛肉炒飯 ¥45


咸檸檬獨特酸香,飯粒乾身鑊氣夠,吃起來有點似臘味糯米飯;長身的飯粒原來是台山米,馬上網上搜尋,原來台山一毫米非常適合炒飯。




菊花滇紅(7位)¥56
茶底順滑,解膩一流,配合濃味菜式剛剛好。


埋單7人總共¥987.6,人均百幾蚊,食到好多中山特色菜,傳統味道加上新派做法,用心有驚喜,推薦想試地道中山菜又想要舒適環境嘅朋友!


🍢春华园 ¥652.4/9


吃了很多點心。



















🍚粤禧顺·广东顺德菜(東區店)
 地址:起灣道利信中心B棟1層105-106

預先在大眾點評買了歡樂相聚10人套餐,原價$1188,優惠價¥576,份量足夠,適合家庭、朋友聚會。訂位只需要付$50訂金,食完會原路退回,安排幾貼心!店舖環境開闊,簡潔舒服,主打順德清鮮爽嘅風味,難怪曾登上央視,好多街坊幫襯。

粵禧順招牌順德婆八彩撈雞


店內招牌!用養足150日嘅山地走山雞,肉質結實彈牙,配上豐富配料撈勻,香氣十足,撈起寓意風生水起,開場食呢道氣氛即刻熱鬧起上來。




開胃饞嘴小青瓜
前菜小青瓜,清爽脆口,酸辣調味剛剛好,開胃解膩,先開胃等後面嘅硬菜。




順德手磨瑤柱豆腐煲


古法焗製,豆腐滑嫩,瑤柱鮮香滲入豆腐入面,溫和鮮甜,長輩都好鍾意。




鳳城生焗開邊蝦
生焗做法鎖住蝦肉鮮甜,蝦肉彈實,镬氣夠香,唔會過重調味,食到海蝦本味。




古法老薑生焗海鱸魚
生焗海鱸魚,魚肉嫩滑,老薑辟腥同時帶出鮮味,魚肉唔散,熱辣辣上枱好好食。




杏鮑菇燒牛肉
鑊氣炒得夠香,牛肉嫩口,杏鮑菇吸滿肉汁,鹹香送飯一流。




順德風味沙薑豬手
沙薑香好突出,豬手爽口彈牙,油脂香而不膩,撈起菜式,越食越上癮。




馬鮫鹹魚茄子煲
經典順德風味,鹹魚嘅鹹香融入軟綿茄子,味道濃郁,好惹味。



蒜香脆皮骨
外皮香脆,肉質唔柴,蒜香入味,大人細路都鍾意。



避風塘椒鹽玉米
椒鹽香、蒜香十足,玉米甜脆,係好特別嘅小炒,當成小食都得。

農家土腌肉炒脆萵筍
萵筍清脆爽口,配上腌肉嘅鹹香,平衡成枱嘅肉菜,好清爽。




老火土雞湯浸海帶苗
老火靚湯,湯底鮮甜滋潤,海帶苗軟滑,食咗咁多菜式飲返啖湯,非常舒服。




倫教桂花糕
順德經典點心,桂花清香,糕體煙韌,甜度溫和,唔會滯。

順德臘味手工陳村粉
陳村粉薄身軟滑,吸收臘味油香,香氣十足,當主食啱晒。




贈送:大支可樂
成枱菜配返支可樂,聚餐氣氛拉滿。

整體套餐菜式豐富,由湯、海鮮、肉類、素菜到點心主食都齊,順德菜主打清鮮,唔會太濃重,適合長輩同一家大細聚餐。套餐性價比高,冇隱形消費,記得提前訂位!

#粵禧順 #順德菜 #中山美食 #家庭聚餐 #順德撈雞 #大眾點評






沒有留言:

張貼留言